ബ്രസീലിനെ തോൽപ്പിച്ച് അർജന്റീന ഒളിമ്പിക് യോഗ്യത ഉറപ്പിച്ച് അർജന്റീന. ഇന്ന് പുലർച്ചെ നടന്ന മത്സരത്തിൽ മറുപടിയില്ലാത്ത ഒരു ഗോളിന് ജയിച്ചാണ് അർജന്റീനഒളിമ്പിക്സിലേക്ക് യോഗ്യത നേടിയത്. പരാജയത്തോടെ ബ്രസീലിന്റെ ഒളിമ്പിക് യോഗ്യത പ്രതീക്ഷ തകരുകയും ചെയ്തു.
ഹാവിയർ മഷറാനോ പരിശീലിപ്പിക്കുന്ന ടീം മത്സരം അവസാനിക്കാൻ 13 മിനിറ്റ് ബാക്കി നിൽക്കെ ആണ് വിജയ ഗോൾ നേടിയത്. ലൂസിയാനോ ഗോണ്ടൗ നേടിയ ഗോളിൽ ആണ് അർജൻ്റീന 1-0ന്റെ വിജയം നേടിയത്. വാലൻ്റൈൻ ബാർകോയുടെ ക്രോസ് ഹെഡ് ചെയ്തായിരുന്നു ഗോണ്ടൗവുടെ ഗോൾ.
അർജൻ്റീനയും പരാഗ്വേയും ആകും ലാറ്റിനമേരിക്കയിൽ നിന്ന് ഒളിമ്പിക്സിനായി പാരീസിലേക്ക് പോകുന്നത്.