ലോകകപ്പ് ജേതാക്കളായ അർജന്റീനയും അവരുടെ ക്യാപ്റ്റൻ ലയണൽ മെസ്സിയും സ്വന്തം നാട്ടിൽ എത്തി. ഖത്തറിൽ നിന്നുള്ള അർജന്റീനയുടെ വിമാനം ചൊവ്വാഴ്ച പുലർച്ചെ 2:40 ന് (0540 GMT) ബ്യൂണസ് ഐറിസിലെ എസീസ അന്താരാഷ്ട്ര വിമാനത്താവളത്തിൽ എത്തി. ഇറ്റലിയിൽ കൂടെ സ്റ്റോപ്പ് ഉണ്ടായിരുന്നതിനാൽ ആണ് അർജന്റീന സ്വന്തം നാട്ടിൽ എത്താൻ വൈകിയത്. ആയിരക്കണക്കിന് ആളുകൾ ആണ് അർജന്റീന സ്ക്വാഡ് മടങ്ങി എത്തുന്നത് കാണാൻ തടിച്ചു കൂടിയിരിക്കുന്നത്.
ഞായറാഴ്ച നടന്ന ആവേശകരമായ ഫൈനലിൽ ഫ്രാൻസിനെ തോൽപ്പിച്ച അർജന്റീന താരങ്ങൾ ഇന്ന് വിമാനത്താവളത്തിനടുത്തുള്ള അർജന്റീന ഫുട്ബോൾ അസോസിയേഷൻ (എഎഫ്എ) പരിശീലന സമുച്ചയത്തിൽ ചെലവഴിക്കും, .
നാളെ അർജന്റീന ടീം തുറന്ന ബസ്സിൽ പരേഡ് നടത്തും. തെരുവുകളിൽ ദശലക്ഷക്കണക്കിന് ആളുകൾ ഉണ്ടാകുമെന്നാണ് പ്രതീക്ഷിക്കുന്നത്. അർജന്റീനയിൽ പൊതു അവധി അർജന്റീന ടീം തിരികെ എത്തുന്നതുമായി ബന്ധപ്പെട്ട പ്രഖ്യാപിച്ചിട്ടുണ്ട്.