കായിക മന്ത്രി തന്നെ ഇടപെട്ടു, സീഡോർഫിന്റെ കാമറൂൺ ജോലി തെറിച്ചു

noufal

Download the Fanport app now!
Appstore Badge
Google Play Badge 1

ആഫ്രിക്കൻ നേഷൻസ് കപ്പിലെ തോൽവിക്ക് പിന്നാലെ കാമറൂണിന്റെ പരിശീലകൻ ക്ളീറൻസ് സീഡോർഫിന്റെ ജോലി തെറിച്ചു. ഇന്ന് നേരത്തെ അദ്ദേഹത്തെ രൂക്ഷമായി വിമർശിച്ച് കാമറൂൺ കായിക മന്ത്രി തന്നെ പരസ്യമായി രംഗത്ത് വന്നതിന് പിന്നാലെയാണ്‌ കാമറൂൺ ഫുട്‌ബോൾ അസോസിയേഷൻ അദ്ദേഹത്തെ പുറത്താക്കിയത്. ആഫ്കോണിൽ റൌണ്ട് ഓഫ് 16 ൽ നൈജീരിയയോട് തോറ്റാണ് കാമറൂൺ പുറത്തായത്.

ശനിയാഴ്ച 3-2 ന് നൈജീരിയയയോട് തോറ്റ് പുറത്തായതിന് പിന്നാലെ തന്നെ മുൻ മിലാൻ താരമായ സീഡോർഫിന്റെ ഭാവിയിൽ സംശയം ഉണ്ടായിരുന്നു. കഴിഞ്ഞ അഗസ്റ്റിലാണ് അദ്ദേഹവും അസിസ്റ്റന്റ് ആയി പാട്രിക് ക്ലയ്വർട്ടും കാമറൂണിന്റെ പരിശീലക ചുമതല ഏറ്റെടുക്കുന്നത്. പക്ഷെ ടീമിനെ 9 മത്സരങ്ങളിൽ പരിശീലിപ്പിച്ച അദ്ദേഹത്തിന് കേവലം 3 മത്സരങ്ങളിൽ മാത്രമാണ് ടീമിനെ ജയിപ്പിക്കാനായത്.

മുൻപ് മിലാൻ, ഷെൻസൻ, ഡിപോർടിവോ ടീമുകളെയും സീഡോർഫ്‌ പരിശീലിപിച്ചിട്ടുണ്ട്.