ഒലിവിയർ ജിറൂദ് എ സി മിലനിൽ ഒരു പുതിയ കരാർ ഒപ്പുവെക്കും. താരം ഒരു വർഷത്തെ പുതിയ കരാർ അംഗീകരിച്ചതായി ജിയാൻലൂക്ക ഡി മാർസിയോ റിപ്പോർട്ട് ചെയ്യുന്നു. നിലവിലെ ജിറൂദിന്റെ കരാർ മൂന്ന് മാസത്തിനുള്ളിൽ അവസാനിക്കാൻ ഇരിക്കുകയാണ്.
മിലാനിൽ കരാർ പുതുക്കാൻ താല്പര്യമുണ്ട് എന്ന് താരം നേരത്തെ തന്നെ പറഞ്ഞിരുന്നു. ജനുവരി ട്രാൻസ്ഫർ വിൻഡോയിൽ എവർട്ടണിൽ നിന്നുള്ള 10 മില്യന്റെ ഓഫർ 36-കാരൻ നിരസിച്ചതായി റിപ്പോർട്ടുണ്ടായിരുന്നു. എ സി മിലാനൊപ്പം ഇറ്റാലിയൻ ലീഗ് സ്വന്തമാക്കാൻ ജിറൂദിനായിട്ടുണ്ട്. മുമ്പ് ചെൽസിക്കായും ആഴ്സണലിനായും കളിച്ചിട്ടുള്ള താരമാണ് ജിറൂദ്.