ഇന്ന് നടന്ന രണ്ടാം സെമിയിലും വിധിയെഴുതിയത് ഷൂട്ടൗട്ടിലൂടെ. ടൂര്ണ്ണമെന്റിലെ ഏറ്റവും മികച്ച ടീമുകള് ഏറ്റുമുട്ടിയ ഫൈനലിനു മുന്നിലെ ഫൈനലെന്ന് വിശേഷിപ്പിക്കാവുന്ന മത്സരത്തില് നിശ്ചിത സമയത്ത നെതര്ലാണ്ട്സും ഓസട്രേലിയും ഒരു ഗോള് വീതം നേടി സമനിലയില് പിരിയുകയായിരുന്നു. മത്സരത്തില് 22ാം മിനുട്ടില് നെതര്ലാണ്ട്സ് കെല്ലി ജോങ്കറിലൂടെ ലീഡ് നേടുകയായിരുന്നു. ആദ്യ പകുതിയില് ഈ ഗോളിനു ടീം മുന്നിട്ട് നില്ക്കുകയും ചെയ്തു.
ജോര്ജ്ജിന മോര്ഗന് ആറ് മിനുട്ടുകള് അവശേഷിക്കെ നേടിയ പെനാള്ട്ടി കോര്ണര് ഗോളിലൂടെ ഓസ്ട്രേലിയയുടെ ആയുസ്സ് നീട്ടിക്കിട്ടുകയായിരുന്നുവെങ്കിലും ഷൂട്ടൗട്ടില് ഭാഗ്യം ടീമിനെ തുണച്ചില്ല. 3-1 എന്ന നിലയില് നെതര്ലാണ്ട് ഫൈനലില് പ്രവേശിക്കുകയായിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
