രണ്ട് സീസൺ മുമ്പ് ബാഴ്സലോണയിൽ നിന്ന് പി എസ് ജിയിലേക്ക് പോയ യുവതാരം സാവി സിമൊൺസിനെ ബാഴ്സലോണ തിരികെ സ്വന്തമാക്കാൻ സാധ്യത. 18കാരനായ താരത്തെ തിരികെ എത്തിക്കാൻ ബാഴ്സലോണയുടെ പുതിയ പരിശീലകൻ സാവിയാണ് ശ്രമിക്കുന്നത്. പി എസ് ജി സിമ്മൺസിന് നൽകിയ കരാർ താരം ഇതുവരെ അംഗീകരിച്ചിട്ടില്ല. ബാഴ്സലോണയിലേക്ക് തിരികെ വരാൻ ആണ് താരവും ആഗ്രഹിക്കുന്നത്.
ബാഴ്സലോണയിൽ വലിയ ഭാവി പ്രവചിക്കപ്പെട്ടിരുന്ന താരമാണ് സാവി. ഡച്ച് മിഡ്ഫീൽഡറായ സാവിയുടെ ബാഴ്സലോണയിലും കരാർ നിരസിച്ചാണ് ക്ലബ് വിട്ടിരുന്നത്. പോഗ്ബയുടെയും ഡി ലിറ്റിന്റെയും ഒക്കെ ഏജന്റായ റൈയോള ആണ് സാവിയുടെയും ഏജന്റ്. റൈയോളയുടെ ഇടപെടലാണ് താരത്തിന്റെ കരിയർ അവതാളത്തിൽ ആക്കുന്നത് എന്ന് വിമർശനം ഉയരുന്നുണ്ട്. ഏഴാം വയസ്സു മുതൽ ബാഴ്സലോണയിൽ ഉണ്ടായിരുന്ന താരമായിരുന്നു സാവി.