സൂപ്പർ കപ്പിന്റെ ഫൈനലിൽ റയൽ മാഡ്രിഡിനെതിരെ തന്റെ ടീം തങ്ങളുടെ ഏറ്റവും മോശം കളിയാണ് കളിച്ചതെന്ന് ബാഴ്സലോണ ഹെഡ് കോച്ച് സാവി. ഇന്നലെ ബാഴ്സലോണ 4-1ന്റെ പരാജയം ആണ് റയലിൽ നിന്ന് ഏറ്റുവാങ്ങിയത്.
ഇത്തരമൊരു മത്സരത്തിൽ വിജയിക്കാനുള്ള നിലവാരം ബാഴ്സലോണ കാണിച്ചില്ലെന്ന് മത്സരശേഷം സംസാരിച്ച സാവി പറഞ്ഞു, തങ്ങളുടെ ഏറ്റവും മോശം കളിയാണ് ബാഴ്സലോണ കളിച്ചത് എന്നും അദ്ദേഹം പറഞ്ഞു
“ഇതുപോലൊരു മത്സരത്തിന് ആവശ്യമായ നിലവാരം ഞങ്ങൾ കാണിച്ചിട്ടില്ല. ഞങ്ങളുടെ ഏറ്റവും മോശം കളിയാണ് ഞങ്ങൾ കളിച്ചത്. ഒരു ഘട്ടത്തിലും ഞങ്ങൾക്ക് കാര്യങ്ങൾ സുഖമായിരുന്നില്ല. കൗണ്ടറിൽ വെച്ച് മാഡ്രിഡ് ഞങ്ങളെ വേദനിപ്പിച്ചു. അവർ വിജയം അർഹിക്കുന്നു. ഞാൻ ആരാധകരോട് ക്ഷമ ചോദിക്കുന്നു.”സാവി പറഞ്ഞു.
ഞാൻ ഈ പ്രൊജക്റ്റിൽ വിശ്വസിക്കുന്നുണ്ട് എന്നും ക്ലബ് മുന്നോട്ട് പോകും എന്നും സാവി പറഞ്ഞു