സിംബാബ്വേയ്ക്കെതിരെ ബംഗ്ലാദേശ് നേടിയ ഇന്നിംഗ്സ് ജയം പാക്കിസ്ഥാനെതിരെയുള്ള ടെസ്റ്റ് മത്സരങ്ങള്ക്ക് മുമ്പ് ടീമിന് വേണ്ട ആത്മവിശ്വാസം നല്കുമെന്ന് പറഞ്ഞ് മോമിനുള് ഹക്ക്. ആറ് തുടര്പരാജയങ്ങള്ക്ക് അവസാനം കുറിയ്ക്കുവാനും ബംഗ്ലാദേശിന് ഈ വിജയത്തോടെ കഴിഞ്ഞു. ഒരു മത്സരം വിജയിക്കുക എന്നത് ഏതൊരു ടീമിന്റെ ആത്മവിശ്വാസം ഉയര്ത്തുന്നതാണെന്നും ടീം ക്യാപ്റ്റന് മോമിനുള് വ്യക്തമാക്കി.
നാട്ടിലായാലും പുറത്തായാലും മികച്ച ക്രിക്കറ്റ് കളിക്കുക എന്നതാണ് ടീമിന്റെ ലക്ഷ്യമെന്നും പേസര്മാരെ വേണ്ട വിധത്തില് ഉപയോഗിക്കുക എന്നതാണ് ടീമിന്റെ ക്യാപ്റ്റനെന്ന നിലയില് താന് ചെയ്യേണ്ടതെന്നും മോമിനുള് വ്യക്തമാക്കി.