ഇത്തവണ ഞങ്ങളെല്ലാവരും വിശ്വസിക്കുന്നത് ഐപിഎല് നേടാനാകുമെന്നാണ്, ആത്മവിശ്വാസമുള്ള വാക്കുകളായിരുന്നു ഡല്ഹി ക്യാപിറ്റല്സ് ശ്രേയസ്സ് അയ്യരുടെ. ഐപിഎലില് പോയിന്റ് പട്ടികയില് രണ്ടാം സ്ഥാനത്തേക്കുയര്ന്ന ടീമിന്റെ പ്രകടനത്തിനു ശേഷം സംസാരിക്കുകയായിരുന്നു ശ്രേയസ്സ് അയ്യര്. തങ്ങളുടെ കഴിവുകളില് ടീമിനു വിശ്വാസമുണ്ട്, പരസ്പരം സഹകരിച്ച് കളിക്കുക എന്നതിലും ടീമില് ഒത്തൊരുമയുണ്ട്.
ഇന്നലെ ബാറ്റിംഗ് അത്ര എളുപ്പമല്ലായിരുന്നു. മണ്റോയും താനും ഋഷഭും നേടിയ റണ്സിനു ശേഷം കീമോയും അക്സറുമെല്ലാം നിര്ണ്ണായക ബാറ്റിംഗ് പ്രകടനമാണ് നടത്തിയത്. അതിനു ശേഷം ബൗളര്മാരുടെ ഊഴമായിരുന്നു. ടീമിന്റെ കഴിവില് വിശ്വാസമുള്ളതിനാല് തന്നെ ഓരോ മത്സരത്തിലും ആത്മവിശ്വാസത്തോടെയാണ് തങ്ങള് കളിക്കുന്നതെന്നും ശ്രേയസ്സ് അയ്യര് പറഞ്ഞു.