രഞ്ജി ട്രോഫിയില് ഏറ്റവും അധികം റണ്സ് നേടിയിട്ടുള്ള താരമാണ് വസീം ജാഫര്. 1996/97 സീസണില് രഞ്ജി അരങ്ങേറ്റം കുറിച്ച വസീം രഞ്ജിയില് റണ് അടിച്ച് കൂട്ടി മുന്നേറുകയാണ്. ഇപ്പോള് മറ്റൊരു ഏഷ്യന് റെക്കോര്ഡ് കൂടി വസീം സ്വന്തമാക്കിയിരിക്കുകയാണ്. 40 വയസ്സ് കഴിഞ്ഞ ശേഷം ഫസ്റ്റ്-ക്ലാസ്സ് ക്രിക്കറ്റില് ഒന്നിലധികം ഇരട്ട ശതകം നേടുന്ന ആദ്യത്തെ ഇന്ത്യന് താരവും ഏഷ്യന് താരവുമെന്ന നേട്ടമാണ് ഇന്നലെ ഉത്തരാഖണ്ഡില് നേടിയ ഇരട്ട ശതകത്തിലൂടെ വസീം ജാഫര് സ്വന്തമാക്കിയത്.
ഇന്നലെ ഉത്തരാഖണ്ഡിനെതിരെ 206 റണ്സ് നേടി വസീം പുറത്തായപ്പോള് കഴിഞ്ഞ വര്ഷം റെസ്റ്റ് ഓഫ് ഇന്ത്യയ്ക്കെതിരെ 286 എന്ന പടുകൂറ്റന് ഇരട്ട ശതകമാണ് വസീം നേടിയത്.