ബംഗ്ലാദേശ് പ്രീമിയര് ലീഗില് ഇന്ന് നടന്ന മത്സരത്തില് ക്രിസ് ഗെയിലിനെതിരെ വലം കൈ ബാറ്റിംഗിലൂടെയും ക്രിക്കറ്റ് ലോകത്തെ ഞെട്ടിച്ച് ഡേവിഡ് വാര്ണര്. ഓവറിലെ ആദ്യ മൂന്ന് പന്തില് കാര്യമായി സ്കോറിംഗ് നടത്താനാകാതെ പോയ വാര്ണര് അവസാന മൂന്ന് പന്തില് വലംകൈയ്യനായി മാറി 14 റണ്സാണ് നേടിയത്. നാലാം പന്തില് സിക്സ് നേടിയ വാര്ണര് അടുത്ത രണ്ട് പന്തില് ബൗണ്ടറിയും നേടി.
36 പന്തില് നിന്ന് 61 റണ്സാണ് പുറത്താകാതെ വാര്ണര് നേടിയത്. വാര്ണറുടെയും 70 റണ്സ് നേടിയ ലിറ്റണ് ദാസിന്റെയും പ്രകടനത്തിന്റെ ബലത്തില് സില്ഹെറ്റ് സിക്സേര്സ് 5 വിക്കറ്റ് നഷ്ടത്തില് 187 റണ്സാണ് നേടിയത്.