ഗ്രൂപ്പ് ഡിയിൽ കിരീടപോരാട്ടത്തിൽ തങ്ങളെ എഴുതിതള്ളണ്ട എന്ന വ്യക്തമായ സൂചന നൽകി വെയിൽസ്. ഓസ്ട്രേലിയക്ക് എതിരെ ജയം കണ്ടതോടെ ഏതാണ്ട് ക്വാട്ടർ ഫൈനൽ ഉറപ്പിക്കാനും വെയിൽസിന് ആയി. മത്സരത്തിൽ ഒരു ഘട്ടത്തിൽ 26-8 നു മുന്നിലെത്തിയ വെയിൽസിന് എതിരെ 26-25 നു തിരിച്ചു വന്ന ഓസ്ട്രേലിയ ഈ ലോകകപ്പിലെ ഏറ്റവും മികച്ച മത്സരം ആണ് കാഴ്ച്ചവച്ചത്. എന്നാൽ വിട്ട് കൊടുക്കാൻ തയ്യാറാകാതിരുന്ന വെയിൽസ് മത്സരം 29-25 നു സ്വന്തമാക്കി.
15 കളികളിൽ ഓസ്ട്രേലിയക്ക് എതിരെ വെയിൽസിന്റെ വെറും രണ്ടാം ജയം മാത്രം ആണിത്. തന്റെ 130 മത്തെ മത്സരം കളിച്ച വെയിൽസ് താരം വെയ്ൻ ജോൺസ് വെയിൽസിനായി ഏറ്റവും കൂടുതൽ മത്സരങ്ങൾ കളിക്കുന്ന താരം ആയി. ക്വാട്ടറിൽ അർജന്റീന അല്ലെങ്കിൽ ഇറ്റലി ആവും വെയിൽസിന്റെ എതിരാളികൾ ഓസ്ട്രേലിയക്ക് ആവട്ടെ ശക്തരായ ഇംഗ്ലണ്ടിനെ നേരിടേണ്ടി വരും. ഗ്രൂപ്പ് ഡിയിലെ മറ്റൊരു മത്സരത്തിൽ ജോർജിയ ഉറുഗ്വായെ 33-7 എന്ന വമ്പൻ സ്കോറിന് ആണ് തോൽപ്പിച്ചത്.