ബ്രസീൽ കോപ അമേരിക്ക ക്വാർട്ടർ ഫൈനൽ ഫിക്സ്ചറിന് ഇറങ്ങുമ്പോൾ ഒപ്പം വിനീഷ്യസ് ജൂനിയർ ഉണ്ടാകില്ല. ഇന്ന് കൊളംബിയക്ക് എതിരായ മത്സരത്തിൽ മഞ്ഞ കാർഡ് കണ്ടതാണ് വിനീഷ്യസിന് തിരിച്ചടിയായത്. ഇന്ന് ഒരു മഞ്ഞ കാർഡ് കിട്ടിയാൽ സസ്പെൻഷൻ കിട്ടും എന്ന സാഹചര്യത്തിൽ ആയിരുന്നു വിനീഷ്യസ് കളിക്കാൻ ഇറങ്ങിയത്. എന്നിട്ടും താരത്തിന് മഞ്ഞക്കാർഡ് ഒഴിവാക്കാൻ ആയില്ല.
നേരത്തെ പരാഗ്വേക്ക് എതിരായ മത്സരത്തിലും വിനീഷ്യസ് ജൂനിയർ മഞ്ഞക്കാർഡ് വാങ്ങിയിരുന്നു. അവസരങ്ങൾ സൃഷ്ടിക്കാൻ പാടുപെടുന്ന ബ്രസീലിന് വിനീഷ്യസിനെ കൂടെ നഷ്ടപ്പെടുന്നത് കൂടുതൽ പ്രതിസന്ധി നൽകും. ഇനി ക്വാർട്ടർ ഫൈനലിൽ ഉറുഗ്വേയെ ആണ് നേരിടേണ്ടത്. ഇപ്പോൾ ഗംഭീര ഫോമിലാണ് ഉറുഗ്വേ ഉള്ളത്. ജൂലൈ 7ന് പുലർച്ചെ ആകും ഈ മത്സരം നടക്കുക.