വനിതാ ചാമ്പ്യൻൽസ് ലീഗിന്റെ ഈ സീസണിലെ പ്രീക്വാർട്ടർ ഫിക്സ്ചറുകൾ ആയി. ഇന്നലെ നടന്ന നറുക്കിലാണ് ഫിക്സ്ചർ തീരുമാനമായത്. നിലവിലെ ചാമ്പ്യന്മാരായ ലിയോണ് എതിരാളികളായി ലഭിച്ചിരിക്കുന്നത് ഡച്ച് ക്ലബായ അയാക്സ് ആണ്. അവസാന മൂന്ന് സീസണിലും ചാമ്പ്യൻസ് ലീഗ് കിരീടം ലിയോണായിരുന്നു സ്വന്തമാക്കിയത്.
കഴിഞ്ഞ തവണത്തെ റണ്ണേഴ്സ് അപ്പായ വോൾവ്സ്ബർഗിന് അത്ലറ്റിക്കോ മാഡ്രിഡ് ആണ് എതിരാളികൾ. ഈ റൗണ്ട് ഓഫ് 16ലെ ഏറ്റവും കടുത്ത മത്സരവും ഇതു തന്നെയാണ്. ഇംഗ്ലീഷ് ചാമ്പ്യന്മാരായ ചെൽസി ഫിയിറെന്റീനയെയും, ബാഴ്സലോണ ഗ്ലാസ്കോ സിറ്റിയെയും നേരിടും.
ഒക്ടോബർ 17, 18 തീയതികളിലാകും ആദ്യ പാദ മത്സരങ്ങൾ നടക്കുക.