അനന്തപുരി ഹോസ്പിറ്റല്സ് ട്രിവാന്ഡ്രം കോര്പ്പറേറ്റ് ടി20യില് ആധിപത്യമാര്ന്ന വിജയം കരസ്ഥമാക്കി യുഎസ്ടി ഗ്ലോബല്. ഇന്ന് നടന്ന മത്സരത്തില് ആദ്യം ബാറ്റ് ചെയ്ത യുഎസ്ടി 20 ഓവറില് എട്ട് വിക്കറ്റ് നഷ്ടത്തില് 119 റണ്സാണ് നേടിയത്. 34 പന്തില് നിന്ന് 56 റണ്സ് നേടിയ അനീഷാണ് യുഎസ്ടിയെ 119 റണ്സിലേക്ക് എത്തിച്ചത്. ജീത്ത് ശശിധരന്(15), അരുണ് ഗോപാല്(11) ആണ് രണ്ടക്ക സ്കോറിലെത്തിയ താരങ്ങള്. ഇംപീരിയല് കിച്ചണ് വേണ്ടി നസീം നെസി, നന്ദകുമാര്, ഷാനവാസ് എന്നിവര് രണ്ട് വീതം വിക്കറ്റ് നേടി.
മറുപടി ബാറ്റിംഗില് ഇംപീരിയല് കിച്ചണ് തകര്ന്നടിയുന്ന കാഴ്ചയാണ് കണ്ടത്. അനസ് താഹ 18 റണ്സുമായി ടീമിന്റെ ടോപ് സ്കോറര് ആയപ്പോള് യുഎസ്ടിയുടെ മുരളി ഇംപീരിയല് കിച്ചണിന്റെ നടുവൊടിക്കുകയായിരുന്നു. മുരളി അഞ്ച് വിക്കറ്റും ഫര്ഹാന് 2 വിക്കറ്റും നേടിയപ്പോള് 54 റണ്സിന് ഇംപീരിയല് കിച്ചണ് 10.3 ഓവറില് ഓള്ഔട്ട് ആയി.