അണ്ടർ 20 വനിതാ ലോകകപ്പിൽ സ്പെയിൻ സെമി ഫൈനലിലേക്ക് കടന്നു. ക്വാർട്ടർ ഫൈനലിൽ നൈജീരിയയെ തോൽപ്പിച്ചാണ് സ്പെയിൻ സെമിയിലേക്ക് കടന്നത്. ഒന്നിനെതിരെ രണ്ടു ഗോളുകൾക്കായിരുന്നു സ്പെയിനിന്റെ വിജയം. ആദ്യ പകുതിയിൽ പിറന്ന രണ്ടു ഗോളുകളാണ് സ്പെയിനിന് തുണയായത്. 13ആം മിനുട്ടിൽ ബൊന്മാട്ടിയും, 45ആം മിനുട്ടിൽ ഗിയിജാരോയും ആണ് സ്പെയിനിനായി സ്കോർ ചെയ്തത്.
രണ്ടാം പകുതിയിൽ എഫിഹിലൂടെ ഒരു ഗോൾ നൈജീരിയ മടക്കി എങ്കിലും അത് മതിയായിരുന്നില്ല സ്പെയിനിനെ തടയാൻ. സെമിയിൽ ആതിഥേയരായ ഫ്രാൻസിനെയാണ് സ്പെയിൻ നേരിടുക.
കൂടുതൽ കായിക വാർത്തകൾക്ക് : www.facebook.com/FanportOfficial
