ബംഗ്ലാദേശ് പേസര് ടാസ്കിന് അഹമ്മദിന് ബംഗ്ലാദേശ് പ്രീമിയര് ലീഗിലെ അവശേഷിക്കുന്ന മത്സരങ്ങള് നഷ്ടമാകും. പുറം വേദന കാരണം ആണ് താരം ടൂര്ണ്ണമെന്റിൽ നിന്ന് പിന്മാറുന്നത്. താരത്തിനെ കുറെ നാളായി അലട്ടുന്ന പുറംവേദന വീണ്ടും വരികയായിരുന്നുവെന്നാണ് സില്ഹെറ്റ് ഫ്രാഞ്ചൈസി ഫിസിഷ്യന് ജോയ് സാഹ പറഞ്ഞത്.
ഫ്രാഞ്ചൈസി ഈ വിവരം ബംഗ്ലാദേശ് ക്രിക്കറ്റ് ബോര്ഡിനെ അറിയിച്ചിട്ടുണ്ടെന്നും ബോര്ഡിന്റെ മെഡിക്കൽ ടീമിന്റെ നിര്ദ്ദേശങ്ങള്ക്കനുസരിച്ചാണ് കാര്യങ്ങള് നീക്കുന്നതെന്നും ജോയ് പറഞ്ഞു. അഫ്ഗാനിസ്ഥാന് പരമ്പര വരുന്നതിനാൽ തന്നെ താരത്തിന് വിശ്രമം ആണ് ആവശ്യമെന്നാണ് ബോര്ഡ് തീരുമാനിച്ചിരിക്കുന്നത്.
ടൂര്ണ്ണമെന്റിൽ ഇതുവരെ നാല് മത്സരങ്ങളിൽ നിന്ന് 5 വിക്കറ്റുകള് താരം നേടിയിട്ടുണ്ട്.