റൗണ്ട് റോബിന് ലീഗില് അപരാജിത കുതിപ്പ് തുടര്ന്ന ഇന്ത്യയ്ക്ക് ഫൈനല് മത്സരത്തില് കൊറിയയോട് പരാജയം. നിശ്ചിത സമയത്ത് ഇരു ടീമുകളും 1-1നു തുല്യത പാലിച്ചപ്പോള് ഷൂട്ടൗട്ടില് 4-2നു ജയം കൊറിയയ്ക്കൊപ്പം നിന്നു. മത്സരത്തിന്റെ അവസാന ക്വാര്ട്ടര് വരെ ഏക ഗോളിനു മുന്നിട്ട് നിന്ന ഇന്ത്യയെ അവസാന ക്വാര്ട്ടറില് നേടിയ ഗോളിലൂടെയാണ് കൊറിയ ഒപ്പമെത്തിയത്.
9ാം മിനുട്ടില് ഗോള് നേടിയ സിമ്രാന്ജിത്ത് ഇന്ത്യയെ മത്സരത്തിന്റെ ആദ്യ ക്വാര്ട്ടറില് തന്നെ മുന്നിലെത്തിച്ചുവെങ്കിലും പിന്നീട് കൊറിയന് ഗോള്വല ചലിപ്പിക്കുവാന് ഇന്ത്യയ്ക്കായില്ല. ഫിനിഷിംഗിലെ പോരായ്മയാണ് ഇന്ത്യയ്ക്ക് പതിവ് പോലെ തിരിച്ചടിയായത്.