വനിതാ ടി20 ലോകകപ്പിന്റെ ഉദ്ഘാടന മത്സരത്തിൽ ദക്ഷിണാഫ്രിക്കയെ 3 റൺസിന് തോൽപ്പിച്ച് കൊണ്ട് ശ്രീലങ്കയ്ക്ക് സ്വപ്ന വിജയം. ഇന്ന് ആദ്യം ബാറ്റ് ചെയ്ത ശ്രീലങ്ക 20 ഓവറിൽ 129-4 എന്ന ചെറിയ സ്കോറാണ് ഉയർത്തിയത്,ൽ. ഓപ്പണർ ചമരി അത്തപ്പത്തു 50 പന്തിൽ 68 റൺസ് നേടിയാണ് ശ്രീലങ്കയ്ക്ക് ഭേദപ്പെട്ട സ്കോർ നൽകിയത്. 34 പന്തിൽ 35 റൺസുമായി വിഷ്മി ഗുണരത്നെയും തിളങ്ങി.
മറുപടി ബാറ്റിങ്ങിൽ ദക്ഷിണാഫ്രിക്ക 20 ഓവറിൽ 126-9 എന്ന സ്കോറിൽ മാത്രമെ എത്തിയുള്ളൂ. 28 പന്തിൽ 27 റൺസെടുത്ത സൺ ലസ് ആണ് പ്രോട്ടീസിന്റെ ടോപ് സ്കോറർ ആയത്. ഒഷാദിയും സുഗന്ധികയും രണ്ട് വിക്കറ്റ് വീതം വീഴ്ത്തി ശ്രീലങ്കൻ ബൗളർമാരിൽ തിളങ്ങി. 3 വിക്കറ്റ് വീഴ്ത്തിയ ഇനോക രണവീരയാണ് ബൗളർമാരിൽ ഏറ്റവും മുന്നിൽ നിന്നത്. ശ്രീലങ്കയ്ക്ക് ഈ വിജയം വലിയ ആത്മവീര്യമാണ് നൽകുക.