എഫ് എ കപ്പിൽ സ്പർസിന് കൂറ്റൻ ജയം. ട്രാൻമേരെ റോവേഴ്സിനെ എതിരില്ലാത്ത 7 ഗോളുകൾക്കാണ് അവർ തർത്തു വിട്ടത്. ഫെർണാണ്ടോ യോറന്റെ ഹാട്രിക് നേടിയ മത്സരത്തിൽ സെർജ് ഒറിയെ സ്പർസിനായി 2 ഗോളുകൾ നേടി.
തീർത്തും ദുർബലരായ എതിരാളികൾക്ക് എതിരെ പതുക്കെയാണ് സ്പർസ് ഗോൾ വേട്ട തുടങ്ങിയത്. ആദ്യ പകുതിയിൽ 1 ഗോൾ മാത്രം നേടിയ സ്പർസ് രണ്ടാം പകുതിയിലാണ് എതിരാളികളുടെ കഥ കഴിച്ചത്. ആദ്യ പകുതിയിൽ ഒറിയെയാണ് ഗോൾ നേടിയത്.
രണ്ടാം പകുതിയിൽ 48,71,72 മിനുട്ടുകളിലാണ് യോറന്റെ ഗോൾ നേടിയത്. ഇതിനിടെ ഒറിയെയും, സോണും സ്പർസിനായി ഗോളുകൾ നേടി. 82 ആം മിനുട്ടിൽ ഹാരി കെയ്നാണ് സ്പർസിന്റെ ഗോൾ വേട്ട പൂർത്തിയാക്കിയത്.