ദക്ഷിണാഫ്രിക്കയ്ക്കെതിരെ പരമ്പരയിലെ അഞ്ചാം ഏകദിനത്തിലും ഇന്ത്യയ്ക്ക് ബാറ്റിംഗ് തകര്ച്ച. 79 റണ്സുമായി പുറത്താകാതെ നിന്ന മിത്താലി രാജ് മാത്രമാണ് ഇന്ത്യന് നിരയില് പൊരുതി നോക്കിയത്. ഹര്മ്മന്പ്രീത് കൗര് 30 റണ്സ് നേടിയെങ്കിലും റിട്ടേര്ഡ് ഹര്ട്ട് ആകുകയായിരുന്നു. ടോപ് ഓര്ഡറില് പ്രിയ പൂനിയ(18), സ്മൃതി മന്ഥാന(18) എന്നിവര്ക്ക് ലഭിച്ച തുടക്കം വലിയ സ്കോറാക്കി മാറ്റാനാകാതെ പോയതും ടീമന് തിരിച്ചടിയായി.
188 റണ്സാണ് ഇന്ത്യ നേടിയത്. ദക്ഷിണാഫ്രിക്കയ്ക്കായി നദീന് ഡി ക്ലെര്ക്ക് മൂന്നും ഷാന്ഗാസേ, ഷേഖുനേ എന്നിവര് രണ്ട് വീതം വിക്കറ്റും നേടി.