വനിത ടി20 ലോകകപ്പിൽ സെമി ഉറപ്പാക്കി ആതിഥേയരായ ദക്ഷിണാഫ്രിക്ക. ഇന്നലെ നടന്ന ഗ്രൂപ്പ് എയിലെ അവസാന മത്സരത്തിൽ ബംഗ്ലാദേശിനെ പരാജയപ്പെടുത്തി പോയിന്റ് പട്ടികയൽ ന്യൂസിലാണ്ടിനൊപ്പമെത്തിയ ദക്ഷിണാഫ്രിക്ക മികച്ച റൺ റേറ്റിന്റെ ബലത്തിൽ ന്യൂസിലാണ്ടിനെ പിന്തള്ളി സെമിയിലെത്തുകയായിരുന്നു.
ആദ്യം ബാറ്റ് ചെയ്ത ബംഗ്ലാദേശ് 6 വിക്കറ്റ് നഷ്ടത്തിൽ 113 റൺസ് നേടിയപ്പോള് ദക്ഷിണാഫ്രിക്ക വിക്കറ്റ് നഷ്ടമില്ലാതെ 17.5 ഓവറിൽ വിജയം ഉറപ്പാക്കി.
ദക്ഷിണാഫ്രിക്കയ്ക്കായി ലോറ വോള്വാര്ഡട് 56 പന്തിൽ 66 റൺസും ടാസ്മിന് ബ്രിട്സ് 50 റൺസും നേടി പുറത്താകാതെ നിന്നു.