വിയറ്റ്നാം ഓപ്പണ്‍ കിരീടം സൗരഭ് വര്‍മ്മയ്ക്ക്

വിയറ്റ്നാം ഓപ്പണ്‍ ഫൈനലില്‍ വിജയം കുറിച്ച് സൗരഭ് വര്‍മ്മ. ഇന്ന് ചൈനയുടെ ഫെയ് സിയാംഗ് സുനിന്നോട് മൂന്ന് ഗെയിം പോരാട്ടത്തിലാണ് സൗരഭിന്റെ വിജയം. ആദ്യ ഗെയിം ആധികാരമായി താരം സ്വന്തമാക്കിയപ്പോള്‍ രണ്ടാം ഗെയിമില്‍ പൊരുതി നിന്ന ശേഷം താരം പിന്നോട്ട് പോകുകായയിരുന്നു. എന്നാല്‍ മൂന്നാം ഗെയിമില്‍ ആദ്യ ഗെയിമിന് സമാനമായ രീതിയില്‍ താരം മികവ് പുലര്‍ത്തിയപ്പോള്‍ ഗെയിമും മത്സരവും ടൂര്‍ണ്ണമെന്റും സൗരഭ് വര്‍മ്മ സ്വന്തമാക്കി.

72 മിനുട്ട് നീണ്ട പോരാട്ടത്തിലാണ് സൗരഭിന്റെ വിജയം. സ്കോര്‍: 21-12, 17-21, 21-4.