249/5 എന്ന നിലയില് ബാറ്റിംഗ് പുനരാരംഭിച്ച ഓസ്ട്രേലിയയുടെ ഇന്നിംഗ്സ് 338 റണ്സില് അവസാനിപ്പ് ഇന്ത്യ. സ്റ്റീവ് സ്മിത്ത് 131 റണ്സ് നേടി അവസാന വിക്കറ്റായി റണ്ണൗട്ടായപ്പോള് ഇന്ത്യന് നിരയില് രവീന്ദ്ര ജഡേജ നാല് വിക്കറ്റ് വീഴ്ത്തി മികച്ച പ്രകടനം നടത്തി. നവ്ദീപ് സൈനിയും ജസ്പ്രീത് ബുംറയും രണ്ട് വീതം വിക്കറ്റ് നേടി. മിച്ചല് സ്റ്റാര്ക്കുമായി(24) നേടിയ 32 റണ്സ് കൂട്ടുകെട്ടാണ് മുന്നൂറ് കടക്കുവാന് ഓസ്ട്രേലിയയെ സഹായിച്ചത്. വാലറ്റത്തെക്കൂട്ടു പിടിച്ച് മുന്നോട്ട് നീങ്ങുവാന് സ്മിത്ത് ശ്രമിച്ചുവെങ്കിലും രവീന്ദ്ര ജഡേജ താരത്തെ റണ്ണൗട്ടാക്കുകയായിരുന്നു. 91 റണ്സുമായി മാര്നസ് ലാബൂഷാനെ 62 റണ്സ് നേടിയ വില് പുകോവസ്കി എന്നിവരാണ് ഓസ്ട്രേലിയന് നിരയില് റണ്സ് കണ്ടെത്തിയ മറ്റു താരങ്ങള്.
അതേ സമയം ഇന്ത്യയ്ക്ക് തങ്ങളുടെ ഒന്നാം ഇന്നിംഗ്സില് ഓപ്പണര്മാര് മികച്ച തുടക്കമാണ് നല്കിയത്. 26 ഓവറുകള് പിന്നിടുമ്പോള് ഇന്ത്യ 68 റണ്സാണ് വിക്കറ്റ് നഷ്ടമില്ലാതെ നേടിയത്. 38 റണ്സുമായി ശുഭ്മന് ഗില്ലും 24 റണ്സ് നേടി രോഹിത് ശര്മ്മയുമാണ് ക്രീസിലുള്ളത്.