ആന്ധ്രയെ 259 റൺസിൽ പിടിച്ച് കെട്ടി കേരളം

കേരളത്തിനെതിരെ വിജയ് ഹസാരെ ട്രോഫിയിൽ ആദ്യം ബാറ്റ് ചെയ്ത് 259/9 എന്ന സ്കോര്‍ നേടി ആന്ധ്ര പ്രദേശ്. റിക്കി ഭുയി നേടിയ 46 റൺസിന്റെയും 31 റൺസ് നേടിയ നിതീഷ് റെഡ്ഡിയുടെയും ബാറ്റിംഗ് മികവിലാണ് ആന്ധ്ര ഈ സ്കോര്‍ നേടിയത്.

അഭിഷേക് റെഡ്ഡി(31), അശ്വിന്‍ ഹെബ്ബാര്‍(26), ശ്രീകര്‍ ഭരത്(24), കരൺ ഷിന്‍ഡേ(28) എന്നിവര്‍ക്കെല്ലാം ലഭിച്ച തുടക്കം വലിയ സ്കോറിലേക്ക് മാറ്റുവാന്‍ സാധിച്ചിരുന്നില്ല. കേരളത്തിനായി സിജോമോന്‍ ജോസഫും ഫൈസൽ ഫനൂസും മൂന്ന് വീതം വിക്കറ്റ് നേടി.