നേപ്പിയര് ഏകദിനത്തില് ന്യൂസിലാണ്ടിനു നാണംകെട്ട ബാറ്റിംഗ് പ്രകടനം. മുഹമ്മദ് ഷമിയും കുല്ദീപ് യാദവും ന്യൂസിലാണ്ടിനെ 38 ഓവറില് 157 റണ്സിനു ഓള്ഔട്ട് ആക്കുകയായിരുന്നു. ഷമി തുടങ്ങിവെച്ച തകര്ച്ച കെയിന് വില്യംസണെ ഉള്പ്പെടെ അവസാന നാല് വിക്കറ്റുകള് വീഴ്ത്തി കുല്ദീപ് യാദവ് ആണ് അവസാനിപ്പിച്ചത്. കുല്ദീപ് യാദവ് നാലും മുഹമ്മദ് ഷമി മൂന്നും വിക്കറ്റ് നേടിയപ്പോള് ചഹാലിനു രണ്ട് വിക്കറ്റും ലഭിച്ചു.
64 റണ്സ് നേടിയ കെയിന് വില്യംസണ് മാത്രമാണ് ന്യൂസിലാണ്ട് നിരയില് ചെറുത്ത് നില്പിനു ശ്രമിച്ചത്. ഒരോവറില് കെയിന് വില്യംസണെയും ഡഗ് ബ്രേസ്വെല്ലിനെയും പുറത്താക്കിയ കുല്ദീപ് തന്റെ അടുത്ത രണ്ട് ഓവറുകളിലായി ന്യൂസിലാണ്ട് ഇന്നിംഗ്സ് അവസാനിപ്പിച്ചു.