നാല് റണ്‍സിനു അഞ്ച് വിക്കറ്റ്, താരമായി ഷഹീന്‍ അഫ്രീദി

ഷഹീന്‍ അഫ്രീഡിയുടെ മാന്ത്രിക സ്പെല്ലില്‍ കടപുഴകി മുല്‍ത്താന്‍ സുല്‍ത്താന്‍സ്. ടൂര്‍ണ്ണമെന്റിലെ ആദ്യ ജയം തേടി ഇറങ്ങിയ ലാഹോര്‍ ഖലന്തേര്‍സിനെതിരെ 114 റണ്‍സിനു ഓള്‍ഔട്ട് ആവുകയായിരുന്നു സുല്‍ത്താന്‍സ്. ഓപ്പണര്‍മാര്‍ നല്‍കിയ മികച്ച തുടക്കത്തിനു ശേഷമാണ് സുല്‍ത്താന്‍സ് നിര തകര്‍ന്നടിഞ്ഞത്. 91/1 എന്ന നിലയില്‍ നിന്നാണ് 23 റണ്‍സ് നേടുന്നതിനിടെ ടീം ഓള്‍ഔട്ട് ആയത്.

3.4 ഓവറില്‍ വെറും നാല് റണ്‍സ് വഴങ്ങിയാണ് ഷഹീനിന്റെ 5 വിക്കറ്റ് നേട്ടം. കുമാര്‍ സംഗക്കാരയാണ് മുല്‍ത്താന്‍ സുല്‍ത്താന്‍സിന്റെ ടോപ് സ്കോറര്‍. 32 റണ്‍സുമായി അഹമ്മദ് ഷെഹ്സാദും തിളങ്ങി. എന്നാല്‍ ഇരുവരും പുറത്തായ ശേഷം ഷഹീന്‍ അഫ്രീദി തന്റെ പ്രഭാവം പുറത്തെടുക്കുകയായിരുന്നു. സുനില്‍ നരൈനു രണ്ട് വിക്കറ്റ് ലഭിച്ചു.

കൂടുതൽ കായിക വാർത്തകൾക്ക് : www.facebook.com/FanportOfficial

Previous articleമാനുപ്പ കേരള ബ്ലാസ്റ്റേഴ്സിലേക്ക് വരുന്നു
Next articleഅയര്‍ലണ്ടിനോടും തോല്‍വിയേറ്റുവാങ്ങി ഇന്ത്യ