ഇന്ത്യയ്ക്ക് വേണ്ടി ടെസ്റ്റ് അരങ്ങേറ്റത്തിൽ തന്നെ അര്ദ്ധ ശതകം നേടി ഷഫാലി വര്മ്മ. ഇംഗ്ലണ്ടിനെതിരെ ബ്രിസ്റ്റോളിൽ നടക്കുന്ന ഏക ടെസ്റ്റ് മത്സരത്തിലാണ് താരത്തിന്റെ ഈ നേട്ടം. ഇംഗ്ലണ്ട് 396/9 എന്ന സ്കോറിന് ഡിക്ലയര് ചെയ്ത ശേഷം ഇന്ത്യന് ഓപ്പണര്മാര് ടീമിന് മികച്ച തുടക്കമാണ് നല്കിയത്.
ചായയ്ക്ക് പിരിയുമ്പോള് 63/0 എന്ന നിലയിലായിരുന്ന ഇന്ത്യന് ഓപ്പണര്മാര് അതിവേഗത്തിലാണ് അവസാന സെഷനിൽ സ്കോറിംഗ് നടത്തിയത്. ഒടുവിൽ റിപ്പോര്ട്ട് കിട്ടുമ്പോള് ഇന്ത്യ 30 ഓവറിൽ വിക്കറ്റ് നഷ്ടമില്ലാതെ 112 റൺസാണ് നേടിയത്. 56 റൺസുമായി ഷഫാലി വര്മ്മയും 51 റൺസുമായി സ്മൃതി മന്ഥാനയുമാണ് ക്രീസിൽ.