തിരുവനന്തപുരത്ത് നടക്കുന്ന കേരള സംസ്ഥാന സീനിയർ ഫുട്ബോൾ ചാമ്പ്യൻഷിപ്പിൽ ഇന്ന് വയനാട് കണ്ണൂരിനെ തോൽപ്പിച്ചു. ടൈബ്രേക്കറിലായിരുന്നു വയനാടിന്റെ വിജയം. നിശ്ചിത സമയത്ത് കളി ഗോൾ രഹിത സമനിലയിൽ ആയിരുന്നു. പെനാൾട്ടി ഷൂട്ടൗട്ടിൽ എത്തിയപ്പോൾ 4-1ന് വയനാട് വിജയിക്കുകയായിരുന്നു.
വയനാടിനായി എമിൽ ബെന്നി, ഫിർഷാദ്, അനീഷ്, അഖിൽ എന്നിവർ പെനാൾട്ടി ലക്ഷ്യത്തിൽ എത്തിച്ചു. കണ്ണൂരിനായി പെനാൾട്ടി എടുത്തവരിൽ മുഹമ്മദ് സബിത് മാത്രമെ ലക്ഷ്യം കണ്ടുള്ളൂ. ഇന്ന് വൈകിട്ട് നടക്കുന്ന ആദ്യ പ്രീക്വാർട്ടർ ഫൈനലിൽ തൃശ്ശൂർ തിരുവനന്തപുരത്തെ നേരിടും.