അണ്ടര് 19 ലോകകപ്പിന്റെ സെമി ഫൈനൽ ലൈനപ്പായി. ഇന്നലെ ബംഗ്ലാദേശിനെതിരെയുള്ള വിജയത്തോടെയാണ് സെമി ഫൈനൽ ലൈനപ്പ് പൂര്ത്തിയായത്. ഇന്ത്യ ഓസ്ട്രേലിയയെയും അഫ്ഗാനിസ്ഥാന് ഇംഗ്ലണ്ടിനെയും സെമി മത്സരങ്ങളിൽ നേരിടും. ഫെബ്രുവരി 1ന് ആദ്യ സെമിയിൽ ഇംഗ്ലണ്ടും അഫ്ഗാനിസ്ഥാനും ഏറ്റുമുട്ടും.
രണ്ടാം സെമി ഫെബ്രുവരി 2ന് ആണ്. ഇന്ത്യയും ഓസ്ട്രേലിയയും തമ്മിലാണ് മത്സരം. ആന്റിഗ്വയിലാണ് ഇരു മത്സരങ്ങളും നടക്കുക. ആദ്യ സെമി സര് വിവിയന് റിച്ചാര്ഡ്സ് സ്റ്റേഡിയത്തിലും രണ്ടാം സെമി കൂളിഡ്ജ് ക്രിക്കറ്റ് ഗ്രൗണ്ടിലും നടക്കും.
ക്വാര്ട്ടറിൽ ഇംഗ്ലണ്ട് ദക്ഷിണാഫ്രിക്കയ്ക്കെതിരെ ആധികാരിക വിജയം നേടിയപ്പോള് ലോ സ്കോറിംഗ് ത്രില്ലറിൽ ശ്രീലങ്കയെ മറികടന്നാണ് അഫ്ഗാനിസ്ഥാന് സെമി ഉറപ്പാക്കിയത്.
പാക്കിസ്ഥാനെ തകര്ത്തെറിഞ്ഞാണ് ഓസീസ് ഇന്ത്യയ്ക്കെതിരെയുള്ള സെമി സ്ഥാനം നേടിയത്.