രഞ്ജി ട്രോഫി അവസാന ദിവസം തമിഴ്നാടിനെതിരെ കരുതലോടെ ബാറ്റ് വീശി കേരളം. 27/1 എന്ന നിലയില് ബാറ്റിംഗ് പുനരാരംഭിച്ച കേരളം നാലാം ദിവസം ലഞ്ചിനു പിരിയുമ്പോള് കേരളം 143/2 എന്ന നിലയിലാണ്. രണ്ട് സെഷനുകള് അവശേഷിക്കെ കേരളത്തിന്റെ കൈവശം 8 വിക്കറ്റുള്ളപ്പോള് നേടേണ്ടത് 226 റണ്സ് കൂടിയാണ്. മത്സരം സമനിലയിലാക്കുക എന്ന ലക്ഷ്യത്തോടെയാവും കേരളം അടുത്ത രണ്ട് സെഷനുകളെ സമീപിക്കുക.
കേരളത്തിനായി സഞ്ജു സാംസണ് 52 റണ്സും സിജോമോന് ജോസഫ് 44 റണ്സും നേടിയാണ് ക്രീസില് നില്ക്കുന്നത്. 33 റണ്സ് നേടി അരുണ് കാര്ത്തിക്കിന്റെ വിക്കറ്റാണ് കേരളത്തിനു നഷ്ടമായത്. സായി കിഷോറിനാണ് വിക്കറ്റ്.