ഓസ്ട്രേലിയൻ വനിതാ ഫുട്ബോൾ താരത്തിനെ യങ് ഓസ്ട്രേലിയൻ ഓദ് ദി ഇയറായി തിരഞ്ഞെടുത്തു. കഴിഞ്ഞ ദിവസം ഓസ്ട്രേലിയൻ പ്രധാനമന്ത്രി മാൽകം ടേൺ ബുൾ ആണ് സാം കെറിനെ പുരസ്കാര ജേതാവായി പ്രഖ്യാപിച്ചത്.
കഴിഞ്ഞ വർഷം ഓസ്ട്രേലിയൻ രാജ്യാന്തര ടീമിനായി നടത്തിയ മികച്ച പ്രകടനമാണ് കെറിനെ പുരസ്കാരത്തിന് അർഹ ആക്കിയത്. രാജ്യത്തെ കായികരംഗത്ത് വനിതകൾക്ക് മൊത്തം പ്രചോദനമാണ് കെർ എന്നതാണ് അവാർഡ് കെറിൽ എത്താൻ കാരണം. 2017ൽ ഓസ്ട്രേലിയൻ ടീമിനു വേണ്ടിയും ക്ലബ് ഫുട്ബോളിലും പകരം വെക്കാൻ ഇല്ലാത്ത പ്രകടനമാണ് കെർ നടത്തിയത്.
ഓസ്ട്രേലിയയെ ലോക റാങ്കിംഗിൽ ആദ്യമായി ആദ്യ അഞ്ചിൽ കെർ എത്തിച്ചിരുന്നു. അമേരിക്കൻ ലീഗിൽ സ്കോറിംഗിൽ റെക്കോർഡ് ഇട്ട കെർ ഇപ്പോൾ ഓസ്ട്രേലിയൻ ലീഗിൽ നിലവിലെ ടോപ്പ് സ്കോററുമാണ്. ഈ പുരസ്കാരം വനിതാ സ്പോർട്സിനുള്ള അംഗീകാരമായാണ് കാണുന്നത് എന്ന് കെർ പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial