കളിയിലെ താരം മാത്രമല്ല, ലോകകപ്പിലെ താരവും സാം കറന്‍

പാക്കിസ്ഥാനെ 137/8 എന്ന സ്കോറിലൊതുക്കിയ ഇംഗ്ലണ്ട് നിരയിൽ മിന്നും പ്രകടനം പുറത്തെടുത്തത് സാം കറന്‍ ആയിരുന്നു. തന്റെ നാലോവറിൽ വെറും 12 റൺസ് മാത്രം വിട്ട് നൽകി താരം 3 വിക്കറ്റ് നേടിയപ്പോള്‍ മൊഹമ്മദ് റിസ്വാന്‍, ഷാന്‍ മസൂദ്, മൊഹമ്മദ് നവാസ് എന്നിവരുടെ വിക്കറ്റുകള്‍ ആണ് താരം വീഴ്ത്തിയത്.

ഈ പ്രകടനം താരത്തിന് ഫൈനലിലെ താരം നേട്ടം നേടിക്കൊടുത്തപ്പോള്‍ ടി20 ലോകകപ്പിലെ താരമായും സാം കറനെയാണ് തിരഞ്ഞെടുത്തത്. ടി20 ലോകകപ്പ് ചരിത്രത്തിൽ തന്നെ ഇത് ആദ്യമായാണ് ഒരു സ്പെഷ്യലിസ്റ്റ് ബൗളര്‍ പരമ്പരയിലെ താരമായി തിരഞ്ഞെടുക്കപ്പെടുന്നത്.