ചെസ് വനിത ലോകകപ്പ് ജേതാവ് ആയി 24 കാരിയായ റഷ്യൻ താരം അലക്സാന്ദ്ര ഗൊര്യാച്കിന. 2021 ൽ നേരിട്ട ഫൈനൽ പരാജയത്തിൽ നിന്നു പാഠം ഉൾക്കൊണ്ടാണ് ഗൊര്യാച്കിന ഇത്തവണ കിരീടം ഉയർത്തിയത്. ജയത്തോടെ ലോക ഒന്നാം നമ്പർ ആവാനും താരത്തിന് ആയി.
ഫൈനലിൽ ബൾഗേറിയൻ താരം 20 കാരിയായ നുർഗുയുൽ സലിമോവയെ ആണ് ഗൊര്യാച്കിന തോൽപ്പിച്ചത്. രണ്ടു ക്ലാസിക് മത്സരങ്ങൾക്ക് ശേഷം റാപ്പിഡ് ടൈബ്രേക്കറിലെ രണ്ടാം മത്സരം ജയിച്ചാണ് റഷ്യൻ താരം ലോക കിരീടം ഉയർത്തിയത്. യുക്രെയ്ന്റെ അന്ന മുയിചുക് ആണ് മൂന്നാം സ്ഥാനത്ത് എത്തിയത്.