ആര്‍ആര്‍ഡി കോബ്രാസ് കിരീട ജേതാക്കള്‍, റണ്ണേഴ്സ് അപ്പ് ആയി ക്യുബര്‍സ്റ്റ് റെഡ്

Sports Correspondent

Download the Fanport app now!
Appstore Badge
Google Play Badge 1

എംപിഎസ് ഇന്ത്യ ടിപിഎല്‍ 2018 ചാമ്പ്യന്മാരായി ആര്‍ആര്‍ഡി കോബ്രാസ്. ഇന്നലെ ടെക്നോപാര്‍ക്ക് ഗ്രൗണ്ടില്‍ നടന്ന ടൂര്‍ണ്ണമെന്റ് ചാമ്പ്യന്‍ഷിപ്പ് റൗണ്ട് മത്സരത്തില്‍ 8 വിക്കറ്റ് വിജയമാണ് ടീം സ്വന്തമാക്കിയത്. ടോസ് നേടി എതിരാളികളായ ക്യുബര്‍സ്റ്റ് റെഡിനെ ബാറ്റിംഗിനയയ്ച്ച കോബ്രാസ് അവരെ 10 ഓവറില്‍ 39 റണ്‍സിനു എറിഞ്ഞ് പിടിക്കുകയായിരുന്നു. റെഡ് നിരയില്‍ 9 റണ്‍സ് നേടിയ വിബിന്‍ ടോപ് സ്കോറര്‍ ആയപ്പോള്‍ വിഷാല്‍ 8 റണ്‍സ് നേടി. ആര്‍ക്കും തന്നെ ഇരട്ടയക്കം കടക്കാന്‍ ആകാതെ വന്ന മത്സരത്തില്‍ കോബ്രാസിനായി അരവിന്ദ് 2 വിക്കറ്റ് നേടി. വിശാഖ്, സനുമോന്‍, ജിത്തിന്‍ രവീന്ദ്രന്‍ എന്നിവരും വിക്കറ്റ് പട്ടികയില്‍ ഇടം പിടിച്ചു.

മറുപടി ബാറ്റിംഗിനിറങ്ങിയ കോബ്രാസിനു തുടക്കത്തില്‍ രണ്ട് വിക്കറ്റ് നഷ്ടമായെങ്കിലും ശ്രീനില്‍ രാജ്(26*)-വിശാഖ്(11*) എന്നിവരുടെ ബാറ്റിംഗ് പ്രകടനം 7.5 ഓവറില്‍ ടീമിനെ ലക്ഷ്യത്തിലെത്തിച്ചു. 3/2 എന്ന നിലയില്‍ നിന്ന് 37 റണ്‍സ് കൂട്ടുകെട്ടാണ് മൂന്നാം വിക്കറ്റില്‍ ശ്രീനില്‍-വിശാഖ് സഖ്യം നേടിയത്. പ്രവീണ്‍, രാജേഷ് എന്നിവര്‍ ക്യുബര്‍സ്റ്റിനായി ഓരോ വിക്കറ്റ് നേടി.

Sreenil : Man of the Final

ശ്രീനില്‍ ആണ് മാന്‍ ഓഫ് ദി ഫൈനല്‍ ആയി തിരഞ്ഞെടുക്കപ്പെട്ടത്. ഇവൈ ഗ്രേയുടെ അരുണ്‍ കെ ടൂര്‍ണ്ണമെന്റിലെ മികച്ച ബാറ്റ്സ്മാനായി തിരഞ്ഞെടുക്കപ്പെട്ടു. കോബ്രാസിന്റെ ജിത്തിന്‍ രവീന്ദ്രന്‍ ആണ് ടൂര്‍ണ്ണമെന്റിലെ താരവും ബെസ്റ്റ് ബൗളറും.

Jithin Raveendran : Player of the Tournament

ഒന്നാം ഘട്ട വിജയികളായി ഇന്‍ഫോസിസ് യെല്ലോ സമ്മാന സ്വീകരിക്കുന്നു.

Infosys Yellow

രണ്ടാം ഘട്ട ഫൈനലില്‍ നാവിഗെന്റിനെ പരാജയപ്പെടുത്തി എന്‍വെസ്റ്റ്നെറ്റ് ജേതാക്കളായി.

Envestnet: Second Round Final Winners

കൂടുതൽ കായിക വാർത്തകൾക്ക് : www.facebook.com/FanportOfficial