ആഷസിലെ ആദ്യ ടെസ്റ്റിൽ ഒന്നാം ദിവസത്തെ രണ്ടാം സെഷന് അവസാനിക്കുമ്പോള് ഇംഗ്ലണ്ട് 240/5 എന്ന നിലയിൽ. 124/3 എന്ന സ്കോറിൽ നിന്ന് രണ്ടാം സെഷനിലെ ബാറ്റിംഗ് പുനരാരംഭിച്ച ഇംഗ്ലണ്ടിന് 51 റൺസ് കൂടി ചേര്ക്കുന്നതിനിടയിൽ ഹാരി ബ്രൂക്കിന്റെ വിക്കറ്റ് നഷ്ടമായി. 32 റൺസ് നേടിയ താരത്തെ നഥാന് ലയൺ ആണ് പുറത്താക്കിയത്.
തൊട്ടടുത്ത ഓവറിൽ ബെന് സ്റ്റോക്സിനെ കൂടി ഇംഗ്ലണ്ടിന് നഷ്ടമായപ്പോള് ടീം 176/5 എന്ന സ്കോറിലേക്ക് വീണു. അവിടെ നിന്ന് ജോ റൂട്ടും ജോണി ബൈര്സ്റ്റോയും ചേര്ന്ന് ഇംഗ്ലണ്ടിനെ മുന്നോട്ട് നയിക്കുകയായിരുന്നു. സ്റ്റോക്സിന്റെ വിക്കറ്റ് ഹാസൽവുഡ് ആണ് നേടിയത്.
റൂട്ട് 66 റൺസും ബൈര്സ്റ്റോ 33 റൺസും നേടിയപ്പോള് 64 റൺസാണ് ഈ കൂട്ടുകെട്ട് ആറാം വിക്കറ്റിൽ നേടിയത്.