ഫുട്ബോൾ ലോകത്ത് ഒരു വലിയ അഭ്യൂഹ കോലാഹലത്തിന് തുടക്കമിട്ടിരിക്കുകയാണ് സ്പാനിഷ് മാധ്യമം ആയ എ എസ്. മാഞ്ചസ്റ്റർ യുണൈറ്റഡ് താരമായ ക്രിസ്റ്റ്യാനോ റൊണാൾഡോ മാഞ്ചസ്റ്റർ യുണൈറ്റഡ് വിടാൻ ആഗ്രഹിക്കുന്നു എന്നാണ് അഭ്യൂഹങ്ങൾ. റൊണാൾഡോ മാഞ്ചസ്റ്റർ യുണൈറ്റഡ് വിടാൻ സാധ്യത ഉണ്ട് എന്നും ബയേൺ റൊണാൾഡോയെ സ്വന്തമാക്കാൻ ആഗ്രഹിക്കുന്നു എന്നും എ എസ് റിപ്പോർട്ട് ചെയ്യുന്നു. ലെവൻഡോസ്കിക്ക് പകരക്കാരനായാണ് റൊണാൾഡോയെ ബയേൺ സ്വന്തമാക്കാൻ ആഗ്രഹിക്കുന്നത്.
💣 ¡Bombazo a la vista! Ante el irrefrenable deseo de 𝐋𝐞𝐰𝐚𝐧𝐝𝐨𝐰𝐬𝐤𝐢 de abandonar el Bayern, el club alemán se plantea cubrir el hueco del polaco con 𝐂𝐫𝐢𝐬𝐭𝐢𝐚𝐧𝐨 𝐑𝐨𝐧𝐚𝐥𝐝𝐨 pic.twitter.com/wi9P4QftGu
— Diario AS (@diarioas) June 23, 2022
എന്നാൽ എ എസിന്റെ റിപോർട്ടിനെ ട്രാൻസ്ഫർ വാർത്ത വിദഗ്ദ്ധർ ഒന്നും ഇതുവരെ സ്ഥിരീകരിച്ചിട്ടില്ല. റൊണാൾഡോ കഴിഞ്ഞ സീസണിൽ ആയിരുന്നു മാഞ്ചസ്റ്റർ യുണൈറ്റഡിലെത്തിയത്. റൊണാൾഡോ ഗോളടിച്ചു എങ്കിലും മാഞ്ചസ്റ്റർ യുണൈറ്റഡിന് കഴിഞ്ഞ സീസണിൽ ചാമ്പ്യൻസ് ലീഗ് യോഗ്യത പോലും നേടാൻ ആകാത്തത് റൊണാൾഡോക്ക് നിരാശനൽകിയിരുന്നു. എങ്കിലും താൻ യുണൈറ്റഡിൽ തുടരും എന്ന് തന്നെ ആയിരുന്നു റൊണാൾഡോ പറഞ്ഞിരുന്നത്.
ബയേൺ ആകട്ടെ മാനെയെ ടീമിൽ എത്തിച്ചു കഴിഞ്ഞു എങ്കിലും അവർ ലെവൻഡോസ്കിക്ക് പകരം ഒരു നമ്പർ 9നെ തന്നെ നോക്കുന്നുണ്ട്. റൊണാൾഡോ ബയേണിലേക്ക് പോകുമെന്ന വാർത്ത ഇനി ട്രാൻസ്ഫർ വിൻഡോയെ ചൂടുപിടിപ്പിക്കും.
