ക്രിസ്റ്റ്യാനോ റൊണാൾഡോ തന്റെ പോർച്ചുഗൽ ദേശീയ ടീമിനായുള്ള പോരാട്ടങ്ങൾ ഇപ്പോൾ ഒന്നും അവസാനിക്കില്ല എന്ന് പറഞ്ഞു. ഇന്നലെ പോർച്ചുഗലിൽ ഒരു അവാർഡ് സ്വീകരിച്ച ശേഷം സംസാരിക്കുക ആയിരുന്നു റൊണാൾഡോ. തന്റെ പോർച്ചുഗൽ ദേശീയ ടീമിനൊപ്പം ഉള്ള അധ്യായം അവസാനിക്കുന്നില്ല എന്ന് റൊണാൾഡോ പറഞ്ഞു.
താൻ ഈ ലോകകപ്പിൽ പോർച്ചുഗലിനെ മുന്നിൽ നിന്ന് നയിക്കാൻ ഉണ്ടാകും. മാത്രമല്ല അടുത്ത യൂറോ കപ്പിലും പോർച്ചുഗലിനായി തനിക്ക് കളിക്കണം എന്നും റൊണാൾഡോ പറഞ്ഞു. 2024ൽ ആണ് അടുത്ത യൂറോ നടക്കേണ്ടത്. അപ്പോൾ റൊണാൾഡോ തന്റെ 40ആം വയസ്സിൽ ആയിരിക്കും. താൻ ചാർജ് ഏറ്റെടുക്കുക ആണെന്നും ലോകകപ്പിൽ വലിയ ലക്ഷ്യങ്ങൾ ആണ് ഉള്ളത് എന്നും റൊണാൾഡോ കൂട്ടിച്ചേർത്തു.