ബി സി സി ഐയുടെ പുതിയ പ്രസിഡന്റ് ആയി റോജർ ബിന്നിയെ തിരഞ്ഞെടുത്തു. മുംബൈയിൽ നടന്ന ബിസിസിഐ എജിഎം യോഗത്തിൽ സൗരവ് ഗാംഗുലിക്ക് പകരം റോജർ ബിന്നിയെ ബിസിസിഐയുടെ തലപ്പത്തേക്ക് തിരഞ്ഞെടുത്തു. 1983 ലോകകപ്പ് ജേതാവായ ബിന്നു എതിരില്ലാതെ ആണ് വിജയിച്ചത്. ഗാംഗുലി മാറി എങ്കിലും ജയ് ഷാ സെക്രട്ടറിയായി തുടരും.
സെക്രട്ടറി ജയ് ഷാ, ആശിഷ് ഷെലാർ (ട്രഷറർ), രാജീവ് ശുക്ല (വൈസ് പ്രസിഡന്റ്), ദേവജിത് സൈകിയ (ജോയിൻ സെക്രട്ടറി) എന്നിവരും ഐകകണ്ഠേന തന്നെ തിരഞ്ഞെടുക്കപ്പെട്ടു. സ്ഥാനമൊഴിയുന്ന ട്രഷറർ അരുൺ ധുമാൽ പുതിയ ഐപിഎൽ ചെയർമാനാകും.
സൗരവ് ഗാംഗുലി ഐ എസ് സി തലപ്പത്ത് എത്താനായാണ് ബി സി സി ഐ സ്ഥാനം ഒഴിയുന്നത് എന്നാണ് സൂചനകൾ.