സഞ്ജുവിന്റെ കീഴിൽ പരമ്പര തൂത്തുവാരി ഇന്ത്യ എ, 4 വിക്കറ്റുമായി രാജ് അംഗദ് ബാവ, ഇന്ത്യയ്ക്ക് 106 റൺസ് വിജയം

സഞ്ജുവിന്റെ കീഴിൽ ന്യൂസിലാണ്ട് എയ്ക്കെതിരെയുള്ള ഏകദിന പരമ്പര തൂത്തുവാരി ഇന്ത്യ എ. ഇന്ന് ആദ്യം ബാറ്റ് ചെയ്ത ഇന്ത്യ 284 റൺസിന് ഓള്‍ഔട്ട് ആയെങ്കിലും രാജ് അംഗദ് ബാവയുെ മികച്ച ബൗളിംഗ് പ്രകടനത്തിന്റെ ബലത്തിൽ 178 റൺസിന് ന്യൂസിലാണ്ടിനെ ഓള്‍ഔട്ട് ആക്കി ഇന്ത്യ 106 റൺസിന്റെ വിജയം ആണ് നേടിയത്.

ബാവ 4 വിക്കറ്റ് നേടിയപ്പോള്‍ കുൽദീപ് യാദവും രാഹുല്‍ ചഹാറും 2 വീതം വിക്കറ്റ് നേടി. 38.3 ഓവറിൽ ആണ് ന്യൂസിലാണ്ട് ഇന്നിംഗ്സ് അവസാനിച്ചത്. ഡെയന്‍ ക്ലെവര്‍ 83 റൺസുമായി ന്യൂസിലാണ്ട് എ ടീമിന്റെ ടോപ് സ്കോറര്‍ ആയപ്പോള്‍ 29 റൺസ് നേടിയ മൈക്കൽ റിപ്പൺ ആണ് മറ്റൊരു പ്രധാന സ്കോറര്‍.