132 റണ്സെന്ന വിജയ ലക്ഷ്യം തേടിയിറങ്ങിയ പഞ്ചാബ് കിംഗ്സിന്റെ തുടക്കം മികച്ചതായിരുന്നുവെങ്കിലും ചെന്നൈയിലെ പ്രയാസമേറിയ പിച്ചില് 17.4 ഓവറിലാണ് 1 വിക്കറ്റ് നഷ്ടത്തില് ടീം ലക്ഷ്യം നേടിയത്. കെഎല് രാഹുലും ക്രിസ് ഗെയിലും രണ്ടാം വിക്കറ്റില് നേടിയ 79 റണ്സാണ് പഞ്ചാബിന്റെ വിജയം ഉറപ്പാക്കിയത്.
നേരത്തെ മയാംഗ് അഗര്വാളിന്റെ കൂടെ രാഹുല് ഒന്നാം വിക്കറ്റില് 53 റണ്സ് നേടിയിരുന്നു. മയാംഗിന്റെ വിക്കറ്റ് രാഹുല് ചഹാര് ആണ് വീഴ്ത്തിയത്. 25 റണ്സായിരുന്നു താരത്തിന്റെ സംഭാവന. 50 പന്തില് നിന്നാണ് ലോകേഷ് രാഹുല് തന്റെ അര്ദ്ധ ശതകം പൂര്ത്തിയാക്കിയത്.
24 റണ്സായിരുന്നു അവസാന നാലോവറില് വിജയത്തിനായി പഞ്ചാബ് നേടേണ്ടിയിരുന്നത്. ജസ്പ്രീത് ബുംറ എറിഞ്ഞ ഓവറില് ഏഴ് റണ്സാണ് പഞ്ചാബ് നേടിയത്. ട്രെന്റ് ബോള്ട്ട് എറിഞ്ഞ 18ാം ഓവറിലെ ആദ്യ പന്തില് സിക്സര് പറത്തിയ ഗെയില് അടുത്ത പന്തില് സിംഗിള് നേടി സ്ട്രൈക്ക് കൈമാറി.
ലോകേഷ് രാഹുല് അടുത്ത രണ്ട് പന്തുകളില് സിക്സും ഫോറും നേടിയപ്പോള് 17.4 ഓവറില് പഞ്ചാബ് വിജയം നേടി. രാഹുല് 60 റണ്സും ഗെയില് 43 റണ്സുമാണ് പഞ്ചാബിന് വേണ്ടി നേടിയത്.