ഖത്തർ ലോകകപ്പ് അംബാസിഡറിന്റെ വാക്കുകൾക്ക് നൂറ്റാണ്ടുകളുടെ പഴക്കം, ഇത് അടിച്ചമർത്തൽ എന്ന് ജർമ്മൻ താരം

മുൻ ഖത്തർ ഇന്റർനാഷണലും ഇപ്പോൾ ഖത്തർ ലോകകപ്പ് അംബാസഡറുമായ ഖാലിദ് സൽമാന്റെ LGBTQ+ വിഷയത്തിൽ വിവാദ പ്രസ്താവനക്ക് എതിരെ ജർമ്മൻ താരൻ ഗൊറെറ്റ്സ്ക. LGBTQ+ ആളുകൾ വേൾഡ് കപ്പിന്റെ ഭാഗമാവുക ആണെങ്കിൽ ഞങ്ങളുടെ നിയമങ്ങൾ അംഗീകരിക്കണം എന്ന് ഖാലിദ് സൽമാൻ പറഞ്ഞിരുന്നു. സ്വർഗ്ഗരതി ഹറാം ആണെന്നും ഇത് മാനസികമായ തകരാർ കൊണ്ടാണ് ഉണ്ടാകുന്നത് എന്നും അദ്ദേഹം പറഞ്ഞിരുന്നു.

ഈ പ്രസ്താവനകൾക്ക് എതിരെ വലിയ വിമർശനങ്ങൾ ജർമ്മനിയിലും യൂറോപ്പിലും ഉയരുന്നുണ്ട്. ഇന്നലെ ബയേൺ അൾട്രാകൾക “Damaged minds! F*** you Khalid & Co.”  എന്ന പ്രതിഷേധ പോസ്റ്ററുകൾ ഉയർത്തിയിരുന്നു.

സൽമാന്റെ പ്രസ്താവനയെ രൂക്ഷമായ ഭാഷയിൽ ലിയോൺ ഗൊറെറ്റ്‌സ്‌ക വിമർശിച്ചു.  ഈ പ്രസ്താവന അടിച്ചമർത്തലിന്റെ സ്വരമാണെന്ന് അദ്ദേഹം പറഞ്ഞു. ഈ വാക്കുകൾ അദ്ദേഹം മറ്റൊരു നൂറ്റാണ്ടിൽ നിൽക്കുക ആണെന്ന് തോന്നിപ്പിക്കിന്നു എന്നും ഗൊറെറ്റ്സ്ക പറയുന്നു. നമ്മൾ എന്തിനു വേണ്ടി നിലകൊള്ളുന്നു എന്നതോ എന്ത് മാതൃക വെക്കുന്നതോ എന്നത് മാറ്റിനിർത്തിയാലും ഇത്തരമൊരു പ്രസ്താവന നടത്തുന്നത് തികച്ചും അസ്വീകാര്യമാണ്. എന്നും ജർമ്മൻ താരം പറഞ്ഞു.