പ്രൊ കബഡി ലീഗിലെ രണ്ടാം ദിവസത്തില് മികച്ച ജയം സ്വന്തമാക്കി പുനേരി പള്ട്ടന്. ആദ്യ മത്സരത്തില് യു മുംബയെ അവസാന നിമിഷം സമനിലയില് തളച്ച ആവേശത്തിലെത്തിയ പുനേരി പള്ട്ടന് 34-22 എന്ന സ്കോറിനാണ് വിജയം സ്വന്തമാക്കിയത്. ടാക്കിള് പോയിന്റുകളില് ഇരു ടീമുകളും ഒപ്പത്തിനൊപ്പം നിന്നപ്പോള് റെയിഡംഗില് 16-11 ന്റെ ലീഡ് പുനേരി പള്ട്ടന് സ്വന്തമാക്കി.
രണ്ട് തവണ ഹരിയാനയെ ഓള്ഔട്ട് ആക്കിയതും പൂനെയ്ക്ക് മത്സരം സ്വന്തമാക്കുവാന് സഹായകരമായി. 5 എക്സ്ട്രാ പോയിന്റുകളും വിജയികള് സ്വന്തമാക്കിയിരുന്നു. ഹരിയാനയുടെ വികാസ് കണ്ടോല എട്ട് പോയിന്റുമായി മത്സരത്തിലെ ടോപ് സ്കോററായി. മത്സരത്തിന്റെ പകുതി സമയത്ത് പുനേരി പള്ട്ടന് 15-9 നു മുന്നിലായിരുന്നു.