ഇന്ത്യൻ പ്രീമിയർ ലീഗ് ലേലത്തിൽ ഉണ്ടായിരുന്ന ഏറ്റവും പ്രായം കൂടിയ താരമായ പ്രവീൺ തംബെയെ സ്വന്തമാക്കി കൊൽക്കത്ത നൈറ്റ് റൈഡേഴ്സ്. അടിസ്ഥാന വിലയായ 20 ലക്ഷം മുടക്കിയാണ് കൊൽക്കത്ത 48കാരനായ പ്രവീൺ തംബെയെ സ്വന്തമാക്കിയത്. ഒരുപാട് യുവതാരങ്ങൾ ലേലത്തിൽ ആരും വാങ്ങാതെ പോയ സമയത്താണ് 48കാരനായ പ്രവീൺ തംബെയെ കൊൽക്കത്ത സ്വന്തമാക്കിയത്.
നേരത്തെ രാജസ്ഥാൻ റോയൽസിന് വേണ്ടിയും ഗുജറാത്ത് ലയൺസിന് വേണ്ടിയും കളിച്ച താരമാണ് പ്രവീൺ തംബെ. ഇന്ത്യൻ പ്രീമിയർ ലീഗിൽ കളിച്ച ഏറ്റവും പ്രായം കൂടിയ താരം കൂടിയാണ് പ്രവീൺ തംബെ. 2013ൽ തന്റെ 41മത്തെ വയസ്സിലാണ് പ്രവീൺ തംബെ ഇന്ത്യൻ പ്രീമിയർ ലീഗിൽ അരങ്ങേറ്റം നടത്തിയത്. അന്ന് ഡൽഹി ഡെയർഡെവിൾസിനെതിരെ കളിച്ചുകൊണ്ടാണ് പ്രവീൺ തംബെ അരങ്ങേറ്റം നടത്തിയത്.