കഴിഞ്ഞ ദിവസം ഇന്ത്യയുടെ 76ആം ചെസ് ഗ്രാൻഡ് മാസ്റ്റർ ആയി മാറിയ പ്രണവ് ആനന്ദ് റൊമാനിയയിൽ നടക്കുന്ന ലോക യൂത്ത് ചെസ് ചാമ്പ്യൻഷിപ്പ് ഗോൾഡുമായി അവസാനിപ്പിച്ചു. അണ്ടർ 16 ലോക ചെസ് ചാമ്പ്യനായി പ്രണവ് ആനന്ദ് മാറി. ഇന്നലെ ഫൈനൽ റൗണ്ടിൽ ഒരു സമനില നേടിയതോടെയാണ് പ്രണവ് ആനന്ദ് സ്വർണ്ണ നേട്ടം ഉറപ്പിച്ചത്.
പ്രണവ് ആനന്ദ് (2494) ഫ്രാൻസിന്റെ എഫ്എം അഗസ്റ്റിൻ ഡ്രോയിനുമായാണ് (2408) സമനിലയിൽ പിരിഞ്ഞത്. 1.5 പോയിന്റ് മുന്നിൽ 9/11 എന്ന സ്കോറിൽ അദ്ദേഹം ഫിനിഷ് ചെയ്തു. കർണാടക സ്വദേശിയാണ് പ്രണവ് ആനന്ദ്. കഴിഞ്ഞ ദിവസം മാത്രമായിരുന്നു താരം ഗ്രാൻഡ് മാസ്റ്റർ പദവി സ്വന്തമാക്കിയത്
ഇന്ത്യയുടെ ഇന്ത്യയുടെ ഇലമ്പാർതി അണ്ടർ 12 വിഭാഗത്തിൽ സ്വർണ്ണം നേടി.