ഇന്ത്യയുടെ 18 കാരനായ ഗ്രാൻഡ്മാസ്റ്റർ ആർ പ്രഗ്നാനന്ദ നോർവേ ചെസ് ടൂർണമെൻ്റിൽ തൻ്റെ കുതിപ്പ് തുടർന്നു. ലോക രണ്ടാം നമ്പർ താരം ഫാബിയാനോ കരുവാനയും പ്രഗ്നാനന്ദയുടെ മുന്നിൽ പരാജയപ്പെട്ടു. ഇതേ ടൂർണമെന്റിൽ തന്നെ ലോക ഒന്നാം നമ്പർ താരം മാഗ്നസ് കാൾസണെയും പ്രഗ്നാനന്ദ തോൽപ്പിച്ചിരുന്നു.
ഈ വിജയം പ്രഗ്നാനന്ദയെ ലോക റാങ്കിങ്ങിൽ ആദ്യ പത്തിലെത്താൻ സഹായിക്കും. നേരത്തെ ബുധനാഴ്ച സ്റ്റാവാഞ്ചറിൽ നടന്ന നോർവേ ചെസ് ടൂർണമെൻ്റിൻ്റെ മൂന്നാം റൗണ്ടിൽ ലോക ഒന്നാം നമ്പർ താരം മാഗ്നസ് കാൾസണിനെതിരെ പ്രഗ്നാനന്ദ തൻ്റെ ആദ്യ ക്ലാസിക്കൽ വിജയം നേടിയിരുന്നു.
161,000 ഡോളർ സമ്മാനത്തുകയുള്ള ഈ ടൂർണമെൻ്റിൻ്റെ പകുതി ഘട്ടത്തിൽ നിൽക്കുമ്പോൾ 10 പോയിൻ്റുമായി നകാമുറ ആണ് മുന്നിൽ ഉള്ളത്