വിന്ഡീസിനെതിരെയുള്ള പാക്കിസ്ഥാന്റെ ദയനീയമായ പരാജയം ടീമിന്റെ ഏകദിനത്തിലെ പതിനൊന്നാം തോല്വിയായിരുന്നു. ആദ്യ മത്സരത്തെ അപേക്ഷിച്ച് നോക്കുമ്പോള് പാക്കിസ്ഥാന് ഇംഗ്ലണ്ടിനെതിരെ 12ാം തോല്വിയിലേക്ക് വീഴുമെന്നാണ് ഏവരും കരുതിയിരുന്നത്. എന്നാല് പാക്കിസ്ഥാന്റെ അപ്രവചനീയമായ സ്വഭാവം ഇന്നലെ അവര് പുറത്തെടുത്തപ്പോള് തിരിച്ചടി കിട്ടിയത് ഇംഗ്ലണ്ടിനായിരുന്നു.
തുടര്ച്ചയായ 11 മത്സരങ്ങള് തോറ്റെത്തിയ പാക്കിസ്ഥാന് ഇത് ഏറെ ആത്മവിശ്വാസം നല്കുന്ന വിജയമാണ്. ഇംഗ്ലണ്ടിനെ പോലെ കരുത്താര്ന്ന ബാറ്റിംഗ് ലൈനപ്പുള്ള ടീമിനു 348 എന്ന സ്കോറൊന്നും പൊതുവേ തലവേദന സൃഷ്ടിക്കാത്തതാണ്, എന്നാല് ലോകകപ്പ് മത്സരത്തിന്റെ സമ്മര്ദ്ദത്തില് ടീം വീണപ്പോള് പാക്കിസ്ഥാന് തങ്ങളുടെ വലിയൊരു നാണക്കേടിനാണ് അറുതി വരുത്തിയത്.