മൂന്ന് ദിവസത്തെ ഇടവേളയ്ക്ക് ശേഷം ഐ എസ് എൽ പുനരാരംഭിച്ചപ്പോൾ ഒഡീഷ എഫ് സിക്ക് വിജയം. ഇന്ന് നോർത്ത് ഈസ്റ്റ് എഫ് സിയ്വ് നേരിട്ട ഒഡീഷ എഫ് സി എതിരില്ലാത്ത രണ്ടു ഗോളുകളുടെ വിജയമാണ് നേടിയത്. ഇന്നാദ്യ 22 മിനുട്ടുകളിൽ തന്നെ ഒഡീഷ രണ്ട് ഗോളുകൾക്ക് മുന്നിൽ എത്തിയിരുന്നു. 16ആം മിനുട്ടിൽ ഇടതു വിങ്ങിൽ നിന്ന് അരിദയ് കബ്രേര നൽകിയ പാസ് ഒരു ടാപിന്നിലൂടെ ഡാനിയൽ ആണ് വലയിൽ എത്തിച്ചത്.
22ആം മിനുട്ടിൽ പിറന്ന ഒഡീഷയുടെ രണ്ടാം ഗോൾ നോർത്ത് ഈസ്റ്റ് കീപ്പർ മിർഷാദിന്റെ പിഴവായിരുന്നു. അരൊദായിയുടെ ഷോട്ട് മിർഷാദിന് എളുപ്പം തടയാൻ ആകുന്നത് ആയിരുന്നു. പക്ഷെ താരത്തിന് പിഴച്ചു. ഇതിനു ശേഷം കളിയിലേക്ക് തിരികെ വരാൻ നോർത്ത് ഈസ്റ്റിന് ആയില്ല. 11 മത്സരങ്ങളിൽ 16 പോയിന്റുമായി ഒഡീഷ ആറാമത് നിൽക്കുകയാണ്. 9 പോയിന്റുമായി നോർത്ത് ഈസ്റ്റ് 10ആം സ്ഥാനത്താണ്.