ന്യൂസിലാണ്ടിനു തിരിച്ചടി നല്‍കി വീണ്ടും യസീര്‍ ഷാ

Sports Correspondent

Download the Fanport app now!
Appstore Badge
Google Play Badge 1

ടോം ലാഥത്തിനെ അരങ്ങേറ്റക്കാരന്‍ ഷഹീന്‍ അഫ്രീദി തുടക്കത്തില്‍ തന്നെ പുറത്താക്കിയ ശേഷം മികച്ച നിലയില്‍ കുതിയ്ക്കുകയായിരുന്നു ന്യൂസിലാണ്ടിനെ പ്രതിരോധത്തിലാക്കി യസീര്‍ ഷാ. അടുത്തടുത്ത പന്തുകളില്‍ ജീത്ത് റാവലിനെയും റോസ് ടെയിലറെയും പുറത്താക്കിയാണ് യസീര്‍ വീണ്ടും ന്യൂസിലാണ്ടിനെ കുഴപ്പത്തിലാക്കിയത്. 70/1 എന്ന നിലയില്‍ നിന്ന് 72/4 എന്ന നിലയിലേക്ക് ന്യൂസിലാണ്ട് വീഴുകയായിരുന്നു.

46 റണ്‍സ് രണ്ടാം വിക്കറ്റില്‍ നേടി ജീത്ത് റാവലും(45) കെയിന്‍ വില്യംസണും ന്യൂസിലാണ്ടിനെ സുരക്ഷിത തീരങ്ങളിലേക്ക് നയിക്കുമെന്ന് കരുതിയ നിമിഷത്തിലാണ് തിരിച്ചടിയായി ഈ ഇരട്ട വിക്കറ്റുകള്‍ വീണത്. അധികം വൈകാതെ ഹെന്‍റി നിക്കോളസിനെയും യസീര്‍ ഷാ പുറത്താക്കി. ഉച്ച ഭക്ഷണത്തിനു ടീമുകള്‍ പിരിയുമ്പോള്‍ ന്യൂസിലാണ്ട് 73/4 എന്ന നിലയിലാണ്.

21 റണ്‍സുമായി കെയിന്‍ വില്യംസണും റണ്ണൊന്നുമെടുക്കാതെ ബിജെ വാട്ളിംഗുമാണ് ന്യൂസിലാണ്ടിനായി ക്രീസില്‍ നില്‍ക്കുന്നത്.