എൻ.ബി.എ ഫൈനൽസിലെ നാലാം മത്സരത്തിലും ജയം കുറിച്ചു ഡെൻവർ നഗറ്റ്സ്. മയാമി ഹീറ്റ്സിന് എതിരെ 108-95 എന്ന സ്കോറിനു ആണ് ഡെൻവർ ജയം കണ്ടത്. ഇതോടെ ഫൈനൽസിൽ അവർക്ക് 3-1 ന്റെ മുൻതൂക്കം ആയി. അടുത്ത മത്സരത്തിൽ സ്വന്തം മൈതാനത്ത് ജയിക്കാൻ ആയാൽ അവരുടെ ചരിത്രത്തിലെ ആദ്യ എൻ.ബി.എ കിരീടം ഡെൻവറിനു സ്വന്തമാക്കാൻ ആവും.
27 പോയിന്റുകളും 7 റീബോണ്ടുകളും 6 അസിസ്റ്റുകളും ആയി തിളങ്ങിയ ആരോൺ ഗോർഡന്റെ മിന്നും പ്രകടനം ആണ് അവർക്ക് നിർണായകമായത്. ഒരിക്കൽ കൂടി 10 അസിസ്റ്റുകൾ നേടിയ ജമാൽ മറെയും എന്നത്തേയും പോലെ ടീമിന്റെ നട്ടെല്ല് ആയ നികോള ജോകിചും അവരുടെ ജയത്തിൽ മുഖ്യപങ്ക് വഹിച്ചു. തിങ്കളാഴ്ച നടക്കുന്ന അഞ്ചാം ഫൈനൽസ് മത്സരത്തിൽ ജയം കുറിച്ച് ചരിത്രം എഴുതാൻ ആവും ഡെൻവർ ശ്രമിക്കുക.